पक्षाने दिलेली आश्‍वासने पूर्ण करू

जगताप, काळजे यांची ग्वाही; उत्तर प्रदेश आणि उत्तराखंडमधील विजयाचा जल्लोष

पिंपरी - ‘‘पंतप्रधान नरेंद्र मोदी यांचा पाच राज्यांच्या विधानसभा निवडणुकांतदेखील करिष्मा दिसून आला. जनतेने मोदी यांच्या कारभारावर विश्‍वास ठेवून भरभरून मते दिली. पिंपरी-चिंचवडमध्येही भाजपने दिलेली सर्व आश्‍वासने पूर्णत्वाच्या दिशेने नेऊ,’’ अशी ग्वाही भारतीय जनता पक्षाचे शहराध्यक्ष आमदार लक्ष्मण जगताप आणि नियोजित महापौर नितीन काळजे यांनी शनिवारी दिली.