‘बाहुबली’साठी प्रेक्षकांची झुंबड

पिंपरी: भव्य सेट, स्पेशल इफेक्ट्स, सर्वात जास्त बजेट आणि सर्वाधिक कमाई यामुळे मागील दोन वर्षांपासून बॉलिवूडसह इतर चित्रपटसृष्टींमध्येही चर्चेत असलेल्या ‘बाहुबली’चा पुढचा भाग ‘बाहुबली२ : द कन्क्ल्युजन’ हा चित्रपट पिंपरी चिंचवडसह देशभरात एकाचवेळी प्रदर्शित झाला. या पहिल्याच दिवशी पिंपरी चिंचवड मधील सर्वच्या सर्व चित्रपटगृहांसमोर तिकिटासाठी रसिकांच्या लांबच लांब रांगा बघावयास मिळाल्या.