सफाई कर्मचाऱ्यांच्या नशिबी नरक यातना..!

पिंपरी,  (प्रतिनिधी) – “उद्योगनगरी’ पिंपरी-चिंचवडच्या स्वच्छतेचे ओझे खांद्यावर घेतलेल्या सफाई कर्मचाऱ्यांना महापालिका प्रशासनाच्या हलगर्जीपणामुळे “नरक यातना’ सहन कराव्या लागत आहेत. याची गंभीर दखल राष्ट्रीय सफाई कर्मचारी आयोगाने घेतली आहे. महापालिका आयुक्‍त श्रावण हर्डिकर यांना आयोगाने नोटीस पाठवली असून, सफाई कर्मचाऱ्यांच्या मागण्यासंदर्भात तात्काळ कार्यवाही करण्याचे आदेश दिले आहेत.