दोन स्वीकृत “औट घटकेचे’?

भाजपमध्ये वाद पेटला : मुख्यमंत्र्यांच्या “कोर्टात’ निर्णय 
पिंपरी, (प्रतिनिधी) – स्वीकृत सदस्य पदावरून भाजपमध्ये सुरु झालेला वाद पेटतच चालला आहे. सदस्य निवडीत भाजपचे शहराध्यक्ष आमदार लक्ष्मण जगताप आणि महेश लांडगे यांच्या समर्थकांचा पत्ता कट केल्याने त्यांच्या राजकीय प्रतिष्ठेचा प्रश्‍न निर्माण झाला आहे. खासदार अमर साबळे व लोकलेखा समिती अध्यक्षांच्या पुतळा दहन प्रकरणाची भाजप “हायकमांड’ने गंभीर दखल घेतल्याचे समजते. दोन स्वीकृत सदस्यांची नावे बदलण्यात येणार असल्याची माहिती विश्‍वसनीय सूत्रांनी दिली. पक्षनेता एकनाथ पवार यांनीही त्याला दुजोरा दिला असून मुख्यमंत्री देवेंद्र फडणवीस हे अंतिम निर्णय घेणार असल्याचे सांगितले.