जनजागृतीसाठी “एजन्सी’चा घाट

स्वच्छ भारत अभियान : पिंपरी महापालिकेला सूचले शहाणपण

पिंपरी,  (प्रतिनिधी) – हागणदारी मुक्‍त शहर योजना प्रभावीपणे राबविण्यात अधिकाऱ्यांनी हलगर्जीपणा केल्यामुळे केंद्र शासनाच्या स्वच्छ भारत अभियानात पिंपरी-चिंचवड महापालिका “सपशेल फेल’ ठरली. अपयशाचा डाग पुसून काढण्यासाठी आणि योजना प्रभावी करण्याकरिता आता नवीन एजन्सी नेमण्याचा घाट घातला जात आहे. एजन्सीद्वारे झोपडपट्टी व परिसरात टॉईलेट्‌स वापराचे महत्त्व पटवून देण्याबाबत जनजागृती मोहीम राबविली जाणार आहे. पालिकेची प्रशासकीय यंत्रणा दिमतीला असताना एका नवीन एजन्सीला काम देण्याची गरज काय? असा प्रश्‍न उपस्थित केला जात आहे.