“कुंडी विरहीत वॉर्ड’मुळे नागरिकांची होतेय कुचंबणा

घंटागाडी वेळेवर येईना : कचरा टाकण्यास अडचणी

पिंपरी,  (प्रतिनिधी) – पिंपरी-चिंचवड शहरातील कचरा समस्या सोडवण्यासाठी तसेच, रस्त्यावरील कचरा कमी करण्यासाठी शहरातील क्षेत्रीय कार्यालयानुसार काही ठिकाणी वॉर्डस्तरीय कुंडी विरहीत वॉर्ड ठरवण्यात आले आहेत. घरोघरी कचरा गोळ्या करणाऱ्या वाहनांमध्ये कचरा टाकण्यास आरोग्य विभागाकडून अनिवार्य केले आहे. मात्र, एकदा वाहन निघून गेल्यानंतर कचरा कुठे टाकायचा, असा प्रश्‍न नागरिकांना पडत आहे. त्यामुळे कचरा व्यवस्थापनाचा बोजवारा उडाला असल्याचे दिसून येते.