आता शिक्षकांसाठीही उद्दिष्टे निश्‍चित

शिक्षण खात्याचा मनसुबा, गुणांकन पद्धत लागू करणार

पुणे – शिक्षण विभागातील अधिकाऱ्यांप्रमाणे आता शिक्षकांसाठीही उद्दिष्ट्ये निश्‍चित करण्यात येणार आहे. त्यासाठी गुणांकन पद्धती (क्रेडिट) लागू करण्यात येणार आहे. त्याचे सूतोवाच शिक्षण विभागाने शिक्षकांच्या प्रशिक्षणाबाबत जाहीर केलेल्या निर्णयातून केले आहे. शिक्षकांनी घेतलेले प्रशिक्षण आणि त्याचे परिणाम याच्या अनुषंगाने आता गुणांकन (क्रेडिट्‌स) देण्यात येणार आहेत. त्यांचा शिक्षकांच्या गोपनीय अहवालातही समावेश होणार आहे.