शिवसेना शहरप्रमुखाला पक्ष चालवता येत नसेल तर अन्य पक्षातील चाणक्यांना दोष देणे चुकीचे – प्रा. सचिन काळभोर

शिवसेनेचे नगरसेवक प्रमोद कुटे यांनी लोकसभा व विधानसभा निवडणुकीत आकुर्डी भागातून शिवसेनेला सर्वाधिक मतदान मिळवून दिले आहे. महापालिका निवडणुकीत ते स्वतः विजयी झाले आणि शिवसेनेच्या एका उमेदवारालाही त्यांनी निवडून आणले. असे असताना वशिल्याचे टट्टू आणि भाजपच्या संगनमताने नगरसेवक झालेल्या अमित गावडे यांनी प्रमोद कुटे यांना बालिश म्हणणे म्हणजे ते स्वतः बौद्धिक दिवळखोर असल्याचे सिद्ध करत आहेत. शहरप्रमुखाला पक्ष चालवता येत नसेल तर गावडे यांच्यासारख्या बाटग्या चमच्यांनी अन्य पक्षातील चाणक्यांना दोष देणे चुकीचे ठरते. शहरातील शिवसेना ही वाघाची राहिली नसून, शहरप्रमुख राहुल कलाटे यांच्या मागे मागे फिरणाऱ्या शेळ्यांची झाली आहे, अशी घणाघाती टिका आकुर्डीतील शिवसैनिक प्रा. सचिन काळभोर यांनी केली आहे.