अत्रे रंगमंदिर नऊ महिने बंद

पिंपरी – पिंपरी प्रभाग क्रमांक 20 मधील आचार्य अत्रे रंगमंदिर स्थापत्य व दुरूस्तीच्या कामासाठी तब्बल नऊ महिने बंद राहणार आहे. शहरातील मध्यवर्ती ठिकाणी असलेले हे प्रेक्षागृह बंद असल्याने शाळा, तसेच शहरातील विविध कलाप्रेमींच्या कार्यक्रमाची मात्र तारांबळ उडणार आहे. स्थापत्य व विद्युत विषयक कामांसाठी हे रंगमंदिर बंद राहणार असल्याची माहिती महापालिकेचे कार्यकारी अभियंता संजय घुबे यांनी दिली आहे.