पाणी गळती दुरूस्तीसाठी खोदलेला खड्डा जैसे थे

अपघाताच्या धोक्याबरोबरच रहिवाशांचे आरोग्य धोक्यात- पाणी पुरवठा व स्थापत्य विभागाचा बेजबाबदारपणा.
जुनी सांगवी - पिंपरी चिंचवड शहरातील उपनगर असलेल्या जुनी सांगवी येथील डाँ.बाबासाहेब आंबेडकर चौक पाटबंधारे कामगार वसाहतीजवळ पाणी पुरवठा विभागाकडुन पाणी गळतीच्या दुरूस्तीसाठी गेली अनेक महिन्यांपासुन खोदण्यात आलेला खड्डा दुरूस्त केला नसल्याने हा खड्डा धोकादायक ठरत आहे. साधारण पाच ते सहा फुट खोल व सात ते आठ फुट रूंद असलेल्या या खड्डयात पावसाचे पाणी व कचरा साचल्याने येथील रहिवाशी नागरीकांच्या आरोग्याचा प्रश्न निर्माण झाला आहे