चिंचवड वाहतूक विभाग संशयाच्या भोव-यात?

पिंपरी – चिंचवड येथील लोकमान्य हॉस्पिटल शेजारी दोन दिवसांपूर्वी ट्रक दुभाजकाला धडकून झालेल्या अपघातात जखमी झालेला ट्रक चालक रेवन्ना कोपणर यांचा शुक्रवारी (ता. 22) उपचारादरम्यान मृत्यू झाला. या अपघातास चिंचवड वाहतूक विभागातील पोलीस जबाबदार असल्याचा आरोप नातेवाईकांनी केला आहे. या वाहतूक पोलिसांवर गुन्हा दाखल होत नाही, तोपर्यंत मृतदेह ताब्यात घेणार नाही, अशी भूमिका त्यांनी घेतली आहे.