अखेर पवनाथडीचे नियोजन फिस्कटले

पिंपरी – भाजपच्या कार्यकाळातील पहिली पवनाथडी जत्रा भरविण्याचे नियोजन फिस्कटले आहे. आमदार लक्ष्मण जगताप यांनी तातडीने ही पवनाथडी रद्द करण्याचा निर्णय घेतल्याने चर्चेला उधाण आले आहे. अनावश्‍यक खर्च टाळण्यासाठी काही कार्यक्रम रद्द करण्यात येणार असल्याचे स्पष्टीकरण सत्तारुढ पक्षनेते एकनाथ पवार यांनी पत्रकार परिषदेत दिले आहे. मात्र, यावेळी त्यांच्या बाजुलाच बसलेले महापौर नितीन काळजे यांनी सूचक मौन बाळगले होते.