प्राधिकरणातील समस्यांसाठी नागरिक व्हाट्स अप ग्रुपच्या माध्यमातून एकत्र

निगडी प्राधिकरण भागात होणारी अवजड वाहनांची वाहतूक बंद करण्यासाठी आयुक्तांना दिले निवेदन

एमपीसी न्यूज - निगडी प्राधिकरण भागात अवजड वाहनांची वाहतूक वाढत आहे. यामुळे ध्वनी व वायू प्रदूषण व विद्यार्थ्यांच्या सुरक्षेचा प्रश्न ऐरणीवर आला आहे. या समस्या शासन दरबारी मांडण्यासाठी निगडी प्राधिकरण भागातील नागरिकांनी सोशल मीडियाचा उत्तम वापर करत एनपीआरएफ (निगडी प्राधिकरण रहिवासी फोरम) नावाचा व्हाट्स अप ग्रुप बनविला आहे. या ग्रुपच्या सदस्यांनी पिंपरी चिंचवड महापालिकेचे आयुक्त श्रावण हर्डीकर यांच्यासमोर प्राधिकरण परिसरातील समस्या मांडल्या.