भाजपच्या पिंपरी-चिंचवड शहर संघटन सरचिटणीसपदी प्रमोद निसळ यांची निवड

एक व्यक्ती, एक पद या तत्त्वानुसार पिंपरी-चिंचवड शहर भाजपमध्ये संघटनात्मक फेरबदल करण्यात आले आहेत. भाजप शहराध्यक्ष व आमदार लक्ष्मण जगताप यांनी पक्षाच्या शहर संघटन सरचिटणीसपदी प्रमोद निसळ यांची निवड केली आहे. तसेच संघटनेत यापुढे सहाऐवजी चार सरचिटणीस असतील. भाजपच्या पक्ष संघटनेतील संघटन सरचिटणीसपद हे शहराध्यक्षानंतरचे दुसरे महत्त्वाचे पद आहे.