मुळशीत विक्रमी भाडेकरार

पिंपरी - फ्लॅट किंवा दुकानाचे भाडेकरार ऑनलाइन पद्धतीने नोंदविण्याच्या सुविधेला नागरिकांचा मोठा प्रतिसाद मिळत असून, मागील वर्षांत (जानेवारी ते डिसेंबर २०१७) मुळशी दुय्यम निबंधक कार्यालयातून तब्बल साडेआठ हजार करारनाम्यांची नोंदणी झाली. मुळशी तालुक्‍यातील ही आतापर्यंतची विक्रमी नोंदणी असून, सुशिक्षित नागरिक विशेषत: आयटीयन्स या नोंदणीला विशेष प्राधान्य देत असल्याचे त्यावरून स्पष्ट झाले आहे. त्यातून शासनाच्या तिजोरीत सुमारे ५० लाख रुपयांचा महसूल जमा झाला आहे.