…आणि शहराला मंत्रीपद मिळाले!

(खासदार अमर साबळे यांना केंद्रात मंत्रीपद मिळणार, या भविष्यवाणी नंतरचा आणखी एक काल्पनिक सोहळा!)

पिंपरी-चिंचवड आटपाट नगरीत काका-पुतण्याबरोबर केलेल्या तुंबळ लढाईनंतर महेश अर्थात राम आणि लक्ष्मण जोडीने अशक्यप्राय विजय संपादित केला. या विजयाची परतफेड म्हणून देवेंद्र राजांच्या दरबारी अष्टप्रधान मंडळात स्थान मिळेल, अशी आशा राम आणि लक्ष्मण बाळगून होते! आज ना उद्या राजा प्रसन्न होईल, असा विश्वास राम-लक्ष्मण जोडीला होता! त्याच विश्वासावर ही जोडी दिवस ढकलत होती!