दापोडीतील रस्ता बाधितांना न्याय कधी?

पिंपरी – पिंपरी-चिंचवड महापालिकेच्या विकास आराखड्यातील दापोडीच्या महात्मा फुलेनगरमधील 30 मीटर रस्त्यामुळे बाधित होणाऱ्या रहिवाशांच्या पुनर्वसनाचा प्रश्‍न निर्माण झाला आहे. 350 पैकी फक्त 219 रहिवासी पात्र ठरत असल्याने उर्वरित रहिवाशांना याचा फटका बसणार आहे. सर्व बाधितांना पात्र ठरविण्याची रहिवाशांची मागणी आहे. याकरिता या खासगी जागा मालकाने देखील पुढाकार घेतला असून, महापालिका प्रशासनाकडे नुकसान भरपाईची मागणी केली आहे.