पिंपरी – उद्योगनगरीतील त्रिकूट चित्रपट निर्मिती क्षेत्रात

उद्योगनगरी म्हणून ओळखल्या जाणाऱ्या पिंपरी-चिंचवड शहरातील तीन जणांनी चित्रपट निर्मिती क्षेत्रात पदार्पण केले आहे. ‘साई ॲग्रो टेक’ या संस्थेच्या माध्यमातून या तीन जणांनी पहिल्यांदाच या क्षेत्रात पाऊल टाकले आहे. शंभू ओव्हाळ, विजय जगताप, आणि अरविंद अडसूळ यांनी चित्रपट निर्मितीची धूरा सांभाळली आहे. महाराष्ट्राचे महागायक आनंद शिंदेही या चित्रपटाच्या माध्यमातून पहिल्यांदाच दिग्दर्शकाच्या भूमिकेतून चाहत्यांसमोर येणार आहेत. साई इंटरनॅशनल फिल्म आणि शिंदेशाही फिल्म प्रस्तूत ‘नंदू नटवरे’ या चित्रपटाची निर्मिती करण्यात येत आहे.