जलपर्णीमुक्त पवनामाई अभियानात पर्यावरण प्रेमी संघटनांसह सामाजिक संघटनांचाही सहभाग

रोटरी क्लब ऑफ वाल्हेकरवाडी आयोजित ‘जलपर्णी मुक्त स्वच्छ व सुंदर पवनामाई उगम ते संगम’ या अभियानाचा रविवारी (दि. 20) 197 वा दिवस केजुबाई बंधारा थेरगाव बोट क्लब येथे पार पडला. यावेळी विविध सामाजिक आणि पर्यावरण प्रेमी संघटनांच्या 200 सदस्यांनी सहभाग घेतला. रविवारी 5 ट्रक जलपर्णी बाहेर काढण्यात आली. यामुळे आजवर 1355 ट्रक जलपर्णी नदीपात्राबाहेर काढण्यात आली आहे.