अखेर महापालिकेला जाग

पिंपरी – मॉन्सून पूर्व पावसाने झोडपल्यानंतर जागे झालेल्या महापालिका प्रशासनाने आज तातडीची बैठक घेतली. अतिवृष्टी अथवा धरणातून पाण्याचा विसर्ग सुरू केल्यास नदीकाठच्या भागांमध्ये पूर परिस्थिती निर्माण होते. ही स्थिती हाताळण्यासाठी पिंपरी-चिंचवड महापालिकेने मुख्य प्रशासकीय इमारतीत पूरनियंत्रण आपत्ती निवारण कक्ष तर आठ प्रभाग कार्यालयातही कक्षाची स्थापना करण्याचा निर्णय घेतला.