नळ जोडणीची माहिती प्रभाग कार्यालयात

पिंपरी – शहरातील नागरिकांना नव्याने नळजोड अथवा जलनि:स्सारण लाईनकरिता आवश्‍यक असलेल्या आवश्‍यक कागदपत्रांची यादी व कालावधीचा माहिती फलक महापालिकेच्या सर्व प्रभाग कार्यालयांमध्ये दर्शनी भागांत झळकणार आहे. याशिवाय यासोबतच अधिकृत प्लंबरची यादी देखील मोबाईल क्रमांकासह लावली जाणार आहे. स्थायी समितीच्या बैठकीमध्ये ऐनवेळच्या या दोन्ही ठरावांना मान्यता देण्यात आली आहे. ममता गायकवाड बैठकीच्या अध्यक्षस्थानी होत्या.