नाशिकफाटा ते चाकण मेट्रो प्रकल्पाचा अहवाल वेगात करा

पिंपरी : पुणे महामेट्रोने स्वारगेट ते कात्रज, पिंपरी ते निगडी आणि नाशिकफाटा ते चाकण या विस्तारीत मेट्रोचा डीपीआर बनविण्याचे काम हाती घेतले आहे. परंतु, ते अतिशय संथगतीने सुरु आहे. नाशिकफाटा ते चाकण या महामार्गावर मोठ्या प्रमाणात वाहतूक कोंडी होत आहे. त्यामुळे नागरिकांचे, विद्यार्थ्यांचे नुकसान होत आहे. त्यासाठी नाशिकफाटा ते चाकण या विस्तारीत मेट्रोचा ‘डीपीआर’ नव्याने समाविष्ट करावा. त्याच्यावर वेगात कारवाई करावी, अशी मागणी भोसरीचे भाजपचे सहयोगी आमदार महेश लांडगे यांनी विधानसभेत औचित्याच्या मुद्याद्वारे केली.