भाजपचा मेळावा वादाच्या भोवऱ्यात

पिंपरी – निगडी-प्राधिकरणात येत्या 3 नोव्हेंबर रोजी होत असलेला भाजपचा मेळावा वादाच्या भोवऱ्यात सापडला आहे. सभेच्या व्यासपीठासाठी करण्यात आलेल्या बेकायदा वृक्षतोडीवरुन नाराजी व्यक्त होत असतानाच आता मेळाव्याच्या तयारीसाठी ऐन दिवाळीच्या सुट्टीत मदनलाल धिंग्रा मैदान सात दिवस बंद ठेवले जाणार आहे. त्याला प्राधिकरणातील सामाजिक संघटनांनी एकत्र येत तीव्र विरोध केला आहे.