पीएमपीमुळे वाहतुकीचे चार तास “ब्रेक डाऊन’

पिंपरी – रविवारच्या सुट्टीमुळे दिवाळीच्या खरेदीचा आनंद लुटण्यासाठी गेलेल्या नागरिकांच्या आनंदावर पीएमपीने अक्षरशः विरजण घातले. पिंपरी मुख्य बाजारपेठेतील सर्वाधिक वर्दळीच्या शगुन चौकात पीएमपीची एक बस बंद पडली. तिच्यामुळे मागून येणाऱ्या दहा बस अडकल्या. पुढे-मागे होता येत नसल्याने या बसेसह खासगी वाहनेही या वाहतूक कोंडीमध्ये अडकल्या. त्यामुळे तब्बल चार तास वाहतूक ठप्प झाली होती.