तीन दिवसात पाण्याचा प्रश्न निकाली काढा – महेश लांडगे

चौफेर न्यूज –  पिंपरी चिंचवड शहरातील सर्वच भागातील पाणीपुरवठा विस्कळीत आहे. यामुळे नागरिक वैतागले असून त्रस्त झाले आहेत. नगरसेवक देखील वैतागले आहेत. येत्या तीन दिवसात शहरातील पाणीपुरवठा सुरळीत करण्यात यावा. अन्यथा ‘माझ्याशी गाठ’ असल्याचा निर्वाणीचा इशारा भोसरीचे आमदार महेश लांडगे यांनी अधिकाऱ्यांना दिला. तसेच नागरिकांना दोषी धरत अधिका-यांनी बिल्डर, ठेकेदारांना पाठिशी घालू नये, अशी तंबीही त्यांनी दिली. आंद्रा-भामा आसखेड धरणातून पाणी आणण्याचा कामाला वेग देण्यात यावा, असेही ते म्हणाले.