पीएमआरडीए मेट्रोचा “ग्राऊंड सर्व्हे’ सुरू

टाटा व सिमेन्स कंपनीसोबत होणार करार : 100 कर्मचारी पुण्यात

पुणे – पुणे महानगर प्रदेश विकास प्राधिकरणाने (पीएमआरडीए) हाती घेतलेल्या हिंजवडी ते शिवाजीनगर या मेट्रो प्रकल्पाचे काम करण्याचा करारनामा लवकरच टाटा व सिमेन्स या कंपनीसोबत करण्यात येणार आहे. त्यानंतर टाटा सिमेन्सला वर्क ऑर्डर दिली जाणार आहे. या सर्व प्रक्रियेसाठी दोन महिन्यांचा कालावधी लागणार असून प्रत्यक्ष जानेवारीमध्ये पीएमआरडीएच्या मेट्रोचे काम सुरू होणार आहे. दरम्यान, टाटा व सिमेन्स कंपनीचे 100 कर्मचारी पुण्यात दाखल झाले असून ग्राऊंड सर्व्हेचे काम सुरू करण्यात आले आहे.