जादा दराच्या निविदांचा सपाटा सुरूच

पिंपरी – महापालिकेत विविध कामांसाठी राबविल्या जाणाऱ्या निविदा प्रक्रियेतील घोळ नवीन नाही. मात्र, प्राकलन दरापेक्षा जादा दराच्या निविदा स्वीकारण्याचा सपाटा सुरू झाला आहे. पदव्युत्तर पदवी अभ्यासक्रमासाठी वायसीएम रुग्णालयात काही नुतनीकरणाची कामे करण्यात येणार असून त्यासाठीही निविदा दरापेक्षा तब्बल 1 कोटी 37 लाख रूपयांची जादा दराची निविदा आल्याने एकूणच महापालिकेच्या कारभारावर संशयाचे मळभ दाटले आहे.