उद्यानाचे “सेफ्टी ऑडीट’ करण्याची मागणी

पिंपरी – पिंपरी – चिंचवड महापालिकेच्या संभाजीनगर येथील उद्यानातील घसरगुंडीवर खेळत असताना पत्र्यात पाय अडकल्याने सहा वर्षाच्या मुलाची करंगळी निकामी झाली. यामुळे उद्यानातील निकृष्ट खेळण्यांचा प्रश्न पुन्हा एकदा ऐरणीवर आला आहे. महापालिका हद्दीतील सर्व उद्यानांचे “सेफ्टी ऑडीट’ करुन तुटलेल्या खेळण्यांची दुरुस्ती करण्याची मागणी मुलाचे पालक मयूर जोशी यांनी महापालिकेकडे पत्राद्वारे केली आहे.