आमदार जगतापांची ‘खेळी’, एकाच दगडात अनेक पक्षी..? अन् शीतल शिंदेंची ‘बंडखोरी’

पिंपरी (Pclive7.com):- पिंपरी चिंचवड महापालिकेच्या स्थायी समिती सदस्य निवडीमध्ये शीतल शिंदे यांची वर्णी लागल्यापासून त्यांची निवड होणार ही चर्चा होती. दस्तुरखुद्द लक्ष्मण जगताप त्यांच्यासाठी प्रयत्न करत असल्याची चर्चा होती. एवढेच नाही तर जगताप यांनी आमदार महेश लांडगे गटाकडून शिंदे यांच्या नावासाठी ‘हिरवा कंदील’ घेतला होता अशी ही चर्चा आहे. शीतल शिंदे यांच्यानंतर पुढील सलग दोन स्थायी अध्यक्षपद भोसरीलाच मिळणार असा प्रस्ताव देत जगताप यांनी भोसरीकरांचे मन वळवले अशी माहितीही काही विश्वासू सूत्र देत आहेत.