लॉकडाऊनमध्ये तंबाखूजन्य पदार्थांची छुप्या मार्गाने विक्री

पिंपरी – करोना विषाणू संसर्गाच्या पार्श्‍वभूमीवर शहरात 3 मेपर्यंत लॉकडाऊन जाहीर करण्यात आला आहे. यासह तंबाखूजन्य पदार्थ विक्रीवर निर्बंध घातले आहेत. सार्वजनिक ठिकाणी थुंकणाऱ्यांवर कारवाई केली जात आहे. असे असताना तंबाखूजन्य पदार्थांची छुप्या मार्गाने विक्री सुरू असून नियमांची पायमल्ली केली जात असल्याचे चित्र शहरात विविध ठिकाणी पहावयास मिळत आहे.