‘मास्क’ न घालता रस्त्यावर फिरणाऱ्यांवर FIR, राज्यातील पहिली घटना पिंपरी-चिंचवडमध्ये

पिंपरी/पुणे : पोलीसनामा ऑनलाइन – राज्यात कोरोनाचा प्रादुर्भाव वाढत असल्याने राज्य सरकार कठोर पावलं उचलत आहे. मुख्यमंत्री उद्धव ठाकरे यांनी मुंबई आणि पुण्यामध्ये सरकारी कार्यालयातीतल कर्मचाऱ्यांवर आणि नागरिकांवर मास्क वापरण्याची सक्ती केली आहे. तसे आदेश सरकारने बुधवारी (दि.8) काढले आहेत. मास्कचा वापर न करता फिरणाऱ्या 7 व्यक्तींवर पिंपरी चिंचवड आयुक्तालयातील चिखील पोलीस ठाण्यात गुन्हा दाखल करण्यात आला आहे. मुख्यमंत्र्यांच्या आदेशानंतर अशा प्रकारची कारवाई होण्याची ही पहिलीच घटना आहे. ही कारवाई आज (गुरुवार) करण्यात आली.