पिंपरी चिंचवडमधील आजपर्यंतच्या ‘पॉझिटिव्ह’ रूग्णांची संख्या ११५ वर पोहचली; जुनी सांगवी, पिंपळे गुरवचा काही परिसर ‘सील’ होणार..!

पिंपरी (Pclive7.com):- पिंपरी चिंचवड शहरात शुक्रवारी दिवसभरात एकही कोरोनाचा ‘पॉझिटिव्ह’ रूग्ण आढळला नव्हता. मात्र काल रात्री उशिरा आलेल्या अहवालात पिंपळे गुरव आणि जुनी सांगवी परिसरातील २ जण कोरोनाबाधित असल्याची माहिती समोर आली आहे. त्यामुळे शहरातील आजपर्यंत कोरोना ‘पॉझिटिव्ह’ रूग्णांची संख्या ११५ वर पोहचली असून ५२ रूग्ण कोरोनामुक्त झाले आहेत. तर शहराबाहेरील दोन रूग्णांसह ५ जणांचा आजपर्यंत कोरोनामुळे मृत्यू झाला आहे. दरम्यान कोरोनाचा वाढता प्रादुर्भाव रोखण्यासाठी जुनी सांगवी, पिंपळे गुरवचा काही परिसर आज (दि.०२) रात्रीपासून सील करण्यात येणार आहे.