पिंपरी चिंचवड शहरातील कलाकारांना महापालिकेने मदतीचा हात द्यावा – अमित गोरखे

पिंपरी (Pclive7.com):- कोरोनाच्या पार्श्वभूमीवर सरकारने लॉकडाऊन वाढवलायं. सर्वत्र उद्योग-धंदे, व्यवसाय बंद आहेत. कलाकारांचे व्यवसायही याला अपवाद ठरले नाहीत. शहरातील कलाकार, नृत्य कलाकार, गायन कलाकार, वादक यांच्यासमोर आर्थिक प्रश्‍न निर्माण झाले आहेत. त्याचबरोबर प्रकाश योजनाकार, ध्वनी योजना कार, मेकअप आर्टिस्ट पडद्यामागील कलाकार यांच्यावर देखील संकटाचा डोंगर कोसळला आहे. तरी पिंपरी चिंचवड शहरातील अशा कलाकारांना महापालिकेने मदतीचा हात द्यावा. आर्थिक तसेच इतर पध्दतीने मदत करावी अशी मागणी साहित्यरत्न अण्णाभाऊ साठे विकास महामंडळाचे माजी अध्यक्ष तथा कलारंग संस्थेचे अध्यक्ष अमित गोरखे यांनी महापालिका आयुक्त व महापौर यांच्याकडे केली आहे.