पुणे जिल्ह्यात अर्थव्यवस्थेचे रुतलेले चाक खुले होणार; कधी ते वाचा सविस्तर

पुणे - लॉकडाउनमध्ये शिथिलता मिळाल्यामुळे बांधकामे सुरू होण्याची प्रक्रिया सुरू झाली आहे. जिल्ह्यातील उद्योगही आता सुरू झाले आहेत. तसेच, आयटी देखील आता प्रत्यक्ष सुरू होण्याच्या मार्गावर आहे. येत्या चार दिवसांत या क्षेत्रांना गती मिळण्याची चिन्हे आहेत. वाहन दुरुस्ती, मोबाईल विक्री व दुरुस्ती, बांधकाम साहित्य आदींची दुकानेही काही प्रमाणात सुरू होत असल्यामुळे अर्थव्यवस्थेचे रुतलेले चाक खुले होऊ लागले आहे.