गडकरी समर्थक म्हणतात शिरुरमध्ये ...

पिंपरी-चिंचवड भाजपमधील गडकरी समर्थक एका मोठ्या गटाने शिरुर लोकसभा मतदार संघात 'इंजिन' चालवा, असे फर्मान सोडले असल्याची तक्रार मुंडे गटाने केली आहे. त्यामुळे भाजप कार्यकर्ते संभ्रमात सापडले असून याबाबतचे गा-हाणे आज (सोमवारी) पक्षश्रेष्ठींपुढे मांडण्यात आल्याचे समजते. या सर्व प्रकारामुळे भोसरी विधानसभा मतदार संघातील महायुतीच्या कार्यकर्त्यांमध्ये तणावाचे वातावरण निर्माण झाले आहे.

क्रीडाकुलच्या विद्यार्थ्यांनी ...

निगडी येथील ज्ञान प्रबोधिनीच्या क्रीडाकुल विभागातील खेळाडू विद्यार्थ्यांनी भारतीय लष्करात कसे जाता येईल, याविषयीचे मार्गदर्शन मेजर विक्रांत काळे यांनी केले.

बार असोसिएशनचा रौप्यमहोत्सव साजरा

पिंपरी-चिंचवड अ‍ॅडव्होकेट बार असोसिएशनचा रौप्य महोत्सव नुकताच साजरा करण्यात आला. पिंपरी न्यायालय परिसरात वृक्षारोपण करण्यात आले. या प्रसंगी प्रमुख पाहुणे म्हणून न्यायाधीश ए. पी. मोहिते, एस. पी. सय्यद, पिंपरी बारचे अध्यक्ष अ‍ॅड. सुनील कड, अ‍ॅड. अतिश लांडगे यांच्या हस्ते दीपप्रज्वलन करण्यात आले. न्यायालय परिसरात विविध ठिकाणी वृक्षारोपण करण्यात आले. या वेळी अ‍ॅड़ सुहास पडवळ, अ‍ॅड. प्रवीण बोडके, अ‍ॅड. सुरेश खाडे यांनी मनोगत व्यक्त केले. या प्रसंगी बारचे आजवरचे अध्यक्ष व उपाध्यक्षांचा सत्कार करण्यात आला.

Pimpri Chinchwad Municipal Corporation chief promises to clear hurdles before pipeline project

The Pimpri Chinchwad Municipal Corporation is aiming for early completion of the Pavana dam-Nigdi water pipeline project, which has been faced with several hurdles.

संगीत, नृत्य अभिनयातून मांडली स्त्रीजीवनाची गाथा

रहाटणी येथील यशःसुख सोशल फौंडेशन संचलित "निर्भया"महिला मंचच्या वतीने महिला दिनानिमित्त आयोजित करण्यात आलेल्या "निर्भया" महिला महोत्सवाच्या तिस-या दिवशी अमोल मोरे दिग्दर्शित नृत्य संगीत अभिनयातून कलाकारांनी स्त्रीजीवनाची गाथा मांडली.

या संगीतमय नाटिकेमध्ये सुरुवातीला राणी लक्ष्मीबाई, जिजाबाई, इंदिरा गांधी, सरोजिनी नायडू, कल्पना चावला, पत्रकार बरखा दत्त यांसारख्या क्रांतीकारी स्त्रियांच्या जीवनावर प्रकाश टाकणारी चित्रफित दाखविली. बालविवाहमुळे मुलींच्या आयुष्याची झालेली राखरांगोळी एका प्रयोगातून साकार केली. कौटुंबिक हिंसाचार, स्त्रीभ्रुण हत्या यावरील लघुनाटिकाही सादर केली. मागील वर्षी दिल्लीमध्ये घडलेली सामूहिक बलात्काराची घटनेचे नाट्यरुपांतर कलाकारांनी प्रेक्षकांसमोर मांडले.

म्हाळसाकांत विद्यालयात जागतिक महिला दिन साजरा

पुणे जिल्हा शिक्षण मंडळाच्या आकुर्डी येथील श्री म्हाळसाकांत विद्यालयात जागतिक महिला दिन उत्साहात साजरा करण्यात आला. यानिमित्त राज्यपातळीवर क्रीडाक्षेत्रात उल्लेखनीय कामगिरी करणा-या विद्यार्थिनींचा सत्कार करण्यात आला. 

या प्रसंगी विद्यालयाचे प्राचार्य सुनील लाडके, उपमुख्याध्यापक के. जे. जाधव, सिम्बॉयसिस कॉलेजच्या प्राध्यापिका स्मिता वरपे, प्रा. संध्या देशपांडे आदी उपस्थित होते.
कार्यक्रमात यावेळी मतदारांना मतदानासाठी उद्युक्त करण्याची विद्यार्थिनीनी व महिला शिक्षकांनी शपथ घेतली.
यावेळी प्राचार्य सुनील लाडके यांनी सुसंस्कारित समाज निर्मितीसाठी महिलांचे योगदान मोठे आहे. यासाठी महिलांनी आत्मनिर्भर व सक्षम बनणे ही काळाची गरज आहे असे सांगून स्त्रीशक्तीचा गौरव केला. प्रा. आशा होळ यांनी सूत्रसंचालन केले. प्रा. भारती कदम यांनी आभार मानले.

दक्षता संघातर्फे निगडी पोलिसांचा सत्कार

निगडी पोलिसांनी वाहनचोरी करणारी टोळी पकडल्याबद्दल त्यांचा पोलीस मित्र नागरिक दक्षता संघातर्फे सत्कार करण्यात आला. वरिष्ठ पोलीस निरीक्षक संजय नाईक-पाटील व गुन्हे पोलीस निरीक्षक पी. एन. सुपेकर यांनी हा सत्कार स्वीकारला.

निगडी पोलिसांनी काही दिवसापूर्वी शहरात वाहनचो-या करणा-या टोळीला गजाआड केले. त्यांची ही कामगिरी कौतुकास्पद आहे. या हेतुने पोलीस मित्र नागरी दक्षता संघातर्फे त्यांचा सत्कार करण्यात आला. यावेळी संघाचे अध्यक्ष मनोहर दिवाण, सचिव पोपट आरणे, इम्तियाज बागवान, विकास साखरे, सुनील चौगुले आदी उपस्थित होते.