रस्ते बंदीबाबत नवे धोरण

देशभरातील ६२ कँटोन्मेंटमधील रस्ते बंदीसंदर्भात संरक्षण मंत्रालयाने नवे धोरण जारी केले आहे. त्यानुसार, लष्कर परिसरातील नागरिकांकडून हरकती-सूचना मागविल्याशिवाय आणि संरक्षण मंत्रालयाची पूर्वसंमती घेतल्याशिवाय स्थानिक लष्करी प्रशासनाला कँटोन्मेंटमधील कोणतेही रस्ते बंद करता येणार नाहीत.

पिंपरी-चिंचवडमध्ये बोअरवेलमधून पाण्याऐवजी येतंय पेट्रोल

पिंपरी-चिंचवड : पेट्रोलचे दर मागील काही दिवसांपासून गगनाला भिडले असल्याने सामान्यांना त्याची झळ बसत आहे. विरोधकांनी अनेक आंदोलने करुनही काहीही फरक पडला नसून दरवाढीवर नियंत्रण आलेले नाही. असे असतानाच एक आश्चर्याची बाब समोर आली आहे. पिंपरी-चिंचवडकरांना पेट्रोलच्या बाबतीत अच्छे दिन आले आहेत. याचे कारण म्हणजे शहरातील डुडळगाव येथे चक्क बोअरवेल पाण्याऐवी पेट्रोल येत आहे. आता हे असे कसे काय याचे तुम्हाला आश्चर्य वाटत असेल तर तांत्रिक बिघाडामुळे हे झाले आहे. या अनोख्या गोष्टीमुळे गावकऱ्यांमध्ये सध्या एकच चर्चा सुरु आहे.

पिंपरी चिंचवडमध्ये यावर्षी धार्मिक देखाव्यांवर भर

गणेशोत्सव अवघ्या चार दिवसांवर आल्याने सार्वजनिक गणेशोत्सव मंडळांनी बाप्पाच्या आगमनाची जोरदार तयारी सुरू केली आहे. शहरातील गणेशोत्सव मंडळांचा यावर्षी धार्मिक देखाव्यांवर भर असल्याचे दिसत आहे. नृसिंह अवतार, संत तुकाराम महाराज यांचे वैकुंठगमन, स्वामी समर्थ लीला, अशा विविध विषयांवर देखावे केले जाणार आहेत.

सजावटीच्या आकर्षक साहित्याने पिंपरी-चिंचवडमधील बाजारपेठा सजल्या

पिंपरी-चिंचवड:लाडक्या गणपती बाप्पाच्या प्रतिष्ठापनेसाठी प्लॅस्टिकच्या फुलांच्या माळा, मोत्यांचे हार, पर्यावरणपूरक कागदी मखर, छोट्या-छोट्या दिव्यांच्या माळा, प्लॅस्टिकची फुले, हिटलॉन शीट, क्रिस्टल माळा, चायनीज माळा व फुले, फुलांचे विविध प्रकार एक ना अनेक नवनवीन प्रकार बाजारपेठेत आले आहेत

शहरात स्वाईन फ्लूसंदर्भात नियोजनात्मक जनजागृती करा

खासदार अमर साबळे यांचे आरोग्य विभागाला सूचना

पिंपरी : स्वाईन फ्लू हा आजार गंभीर स्वरूपाचा असला तरी त्यावर योग्य वेळेत उपचार केल्यास तो निश्‍चित बरा होतो. एच 1 एन 1 या विषाणुमुळे हा आजार पसरतो. साधा फ्लू व स्वाईन फ्लू यांची लक्षणे एकसारखीच असल्याने स्वाईन फ्लू आजाराची त्वरित निदान करून त्यावर वेळीच उपचार केले जात नाही. त्यामुळे हा आजार वाढून नियंत्रणात आणण्यास अवघड होते आणि अशा रूग्णांमध्ये मृत्यू होण्याची शक्यता जास्त असते. सार्वजनिक ठिकाणी जसे शाळा, महाविद्यालय, कंपनी, कार्यालय यामध्ये स्वाईन फ्लू आजाराबाबत जनजागृती करावी

शरद पवारांनी हिंजवडीप्रश्‍नी कायमस्वरूपी तोडगा काढावा

नगरसेवक मयुर कलाटे यांनी केली मागणी

हिंजवडी : हिंजवडी येथे आयटी पार्कमध्ये आणि परिसरामध्ये रोजच वाहतूक कोंडी होत असते. पीएमपीएमएलच्या बस, स्थानिक रहिवाश्यांची वाहने, कंपन्यांंच्या गाड्या, कर्मचार्‍यांच्या खासगी गाड्या तसेच खासगी ट्रॅव्हल्सच्या मोठ्या गाड्या या सर्वांमुळे या वाहतूक कोंडीमध्ये वाढ होते आहे. अनेकदा पोलीस खात्याला निवेदन देऊनही काही उपाय योजना झाली नाही. मात्र नवीन पोलीस आयुक्तालय झाल्यावर आयुक्तांनी चक्राकार वाहतूक सुरू केली आहे. तसेच कर्मचार्‍यांना आणि रहिवाश्यांना या वाहतूक कोंडीवर आपली मते आणि सुचना मागवल्या होत्या. त्यामुळे शरद पवार यांनी या वाहतूक कोंडीवर प्रभावी व दीर्घकालीन तोडगा काढावा, अशी मागणी नगरसेवक मयुर कलाटे व शिष्टमंंळाने निवेदनाद्वारे केली. यावेळी हिंजवडी ग्रामपंचायतीचे सदस्य, माजी सरपंच सागर साखरे, श्रीकांत जाधव आदी उपस्थित होते. या शिष्टमंडळाने शरद पवार यांच्या मुंबईतील निवासस्थानी भेट घेऊन लेखी निवेदनाद्वारे आपली मागणी केली.

मुख्यमंत्री फडणवीस यांचे सचिव भारती यांनी केली देहूनगरीची पाहणी

देहुरोड – राज्यातील वारकरी सांप्रदयाची श्रद्धास्थानातील स्थानिक नागरिकांचे महत्त्वाचे प्रश्‍न आणि विविध विकासकामांची पाहणी राज्याचे मुख्यमंत्री देवेंद्र फडणवीस यांचे सचिव श्रीकांत भारती यांनी देहूनगरीला भेट देऊन पाहणी केली.