मोठय़ा रकमेची बोली, पण कमी दराने मागणी

पिंपरी - मोकळी जागा विक्रीसाठी हिंदुस्थान अँन्टिबायोटिक्स कंपनीने निविदा मागविलेल्या निविदेस प्रतिसाद देऊन म्हाडाने सध्याच्या बाजारमूल्यानुसार जागा खरेदीची तयारी दाखवली. म्हाडासह अन्य दोन खासगी कंपन्यांनी या निविदाप्रक्रियेत सहभाग घेतला होता. या खासगी कंपन्यांच्या तुलनेत म्हाडाने जादा दर देण्याची तयारी दर्शविल्यामुळे म्हाडास जागा देण्यास कंपनीने अनुकूलता दर्शविली. दोन भूखंडासाठी जादा दर देण्याची तयारी दाखवलेल्या म्हाडाने उर्वरित जागेसाठी दर कमी करण्याच्या वाटाघाटी सुरू केल्या आहेत. पहिल्या निविदेत जादा रकमेची बोली करून उर्वरीत जागेसाठी मात्र कंपनीने दर कमी करावेत, अशी म्हाडाची अपेक्षा आहे.