वाकडमध्ये धान्यासाठी रांग

वाकड : येथील रहिवाशांना पौड (मुळशी) तहसीलदार कार्यालयामार्फत अन्न सुरक्षा योजना कायद्यांतर्गत लाभार्थ्यांना धान्याचे वाटप करण्यास सुरुवात झाली. या वेळी सुमारे ६0 लाभार्थ्यांना पुरवठा निरीक्षक पोपट कांबळे यांच्या हस्ते धान्याचे वाटप वाकडकर वस्ती येथे करण्यात आले. 
येथील रास्त भाव धान्य दुकानात हा कार्यक्रम झाला. येथे ४५७ लाभार्थींना या महिन्याच्या धान्य पुरवठय़ाचे वाटप चार दिवसांत केले जाणार आहे. लोकांनी धान्य घेण्यासाठी हातात रेशनकार्ड घेऊन रांग लावली होती. (वार्ताहर)