बसथांब्याच्या दुरवस्थेकडे लक्ष वेधण्यासाठी आकुर्डीत 'छत्री' आंदोलन

पिंपरी शहरातील अनेक ठिकाणी पीएमपीएमएल बस थांब्याच्या दुरवस्थेकडे लक्ष वेधण्यासाठी आज (शनिवारी) आकुर्डी चौकातील पीएमपीएलच्या बस थांब्यावर कष्टकरी महासंघाच्या वतीने आयोजित आंदोलनात प्रवाशांनी डोक्यावर छत्र्या धरून निषेध नोंदविला. चुकीचे थांबे करून जनतेच्या पैशाची उधळपट्टी थांबवावी व उन्हाची, पावसाची झळ बसणा-या प्रवाशांना दिलासा द्यावा अन्यथा तीव्र आंदोलन केले जाईल, असा इशारा देण्यात आला आहे.