पिंपरी-चिंचवड महापालिका सभेत गदारोळ

उपसूचनांवरुन सत्ताधारी-विरोधक भिडले : अर्वाच्च शब्दात सन्मान खुंटीला

पिंपरी – उपसूचनांवरुन पिंपरी-चिंचवड महापालिका सभेत गदारोळ उडाला. सत्ताधारी आणि विरोधकांमध्ये अर्वाच्च शब्दांचा वापर होत हमरी-तुमरी झाली. चर्चेऐवजी वाद पेटल्याने महापौर नितीन काळजे यांना महापालिकेची सभा घाईघाईने गुंडाळावी लागली. उपसूचनांव्दारे भ्रष्टाचाराचे षडयंत्र सत्ताधाऱ्यांनी रचल्याचा आरोप विरोधकांनी केला. तर, रिंग रोडचे राजकारण करून नागरिकांची दिशाभूल करण्यासाठी विरोधकांनी असंसदीय शब्दांचा वापर करत सभागृहाचा अपमान केल्याचा आरोप सत्ताधारी भाजपने केला. रिंग रोडचा प्रश्‍न तसेच शहर साथीच्या आजाराने फणफणले असताना त्यावर चर्चा होण्याऐवजी सत्ताधारी व विरोधक खालच्या पातळीवर जात “तापल्याने’ चर्चेविनाच सभा तहकूब करावी लागली.