रिंगरोडवरून गदारोळ

पिंपरी - शहरातून जाणाऱ्या रिंगरोडच्या प्रश्‍नावर गुरुवारी (ता. २०) महापालिकेच्या सर्वसाधारण सभेत गदारोळ उडाला. रिंगरोडबाबत सभा संपल्यानंतर चर्चा करण्यास संधी दिल्याने राष्ट्रवादी काँग्रेसच्या नगरसेविका मंगला कदम आक्रमक झाल्या. त्यांनी महापौर नितीन काळजे यांना ‘भित्रा’ म्हणून संबोधले. तर ‘मी कोणाच्या दबावाखाली काम करीत नसून मी भित्रा नाही,’ असे प्रत्युत्तर काळजे यांनी दिले. त्यानंतर सत्ताधारी आणि विरोधकांमध्ये शाब्दिक बाचाबाची झडली. या गोंधळातच सभा गुंडाळण्यात आली.