पिंपरी ः पिंपरी-चिंचवड शहराच्या पश्‍चिमेकडील प्रवेशद्वारावर बांधण्यात येत असलेल्या शंभर कोटी रुपये खर्चाचा उड्डाणपूल व ग्रेड सेपरेटरच्या आराखड्यात बदल करा अन्यथा न्यायालयात जाऊ, असा इशारा भाजपचे शहर सरचिटणीस अमोल थोरात यांनी आज (ता.20) दिला. पालिकेतील सत्ताधारी भाजपने नुकत्याच मंजूर केलेल्या या प्रकल्पाला त्यांच्याच पदाधिकाऱ्याने विरोध केल्याने हा भाजपला घरचा आहेर समजला जात आहे. त्यातून शहर भाजपमध्ये सारे काही आलबेल नसल्याचेही दिसून आले असून जुन्या व नव्यातील सुप्त संघर्ष यानिमित्ताने पुन्हा बाहेर आला आहे.दरम्यान,या विरोधामुळे सुरू होण्यापूर्वीच या प्रकल्पाचे काम अडचणीत सापडले आहे.
No comments:
Post a Comment