दोन दिवसांत सुरु होणार आधार नोंदणी

पुणे -जिल्ह्यात येत्या दोन दिवसात 200 केंद्रांवर आधार नोंदणी सुरू करण्यात येणार असल्याची माहिती जिल्हाधिकारी सौरभ राव यांनी दिली. त्यामुळे मागील अडीच महिन्यांपासून बंद असलेली आधार नोंदणी आता पुन्हा सुरू होणार आहे.

शासनाने विविध योजनांसाठी आधार कार्ड असणे बंधनकारक केले आहे. तसेच ऑनलाइन आर्थिक विवरणपत्रे भरण्यासाठी आधार कार्ड आवश्‍यक आहे. त्यासाठीची मुदत 31 जुलैपर्यंत आहे. मात्र आधार कार्ड नोंदणी न केल्यामुळे, अथवा आधार कार्डात झालेल्या चुकांमुळे अनेकांना आर्थिक विवरणपत्रे भरण्यास अडचणी येत आहेत. आधार कार्डातील दुरुस्ती आणि नव्याने आधार कार्ड काढण्यासाठी शहरातील केंद्र बंद असल्यामुळे नागरिकांच्या अडचणीत भरच पडली होती.