नगरसेवक मानधनवाढीचा नवीन सभागृहाला लाभ

पिंपरी – महापालिका निवडणुकीच्या तोंडावर पिंपरी-चिंचवड महापालिका नगरसेवकांचे मानधन सात हजार रुपयांवरुन थेट पन्नास हजार रुपये करण्याचा प्रस्ताव मंजुरीसाठी सभागृहात मांडला होता. मात्र, यावर सभागृहात टीका झाल्याने हा प्रस्ताव दप्तरी दाखल करण्यात आला होता. मात्र, आता नगरविकास विभागानेच अध्यादेश काढत या मानधनात वाढ करुन ते पंधरा हजार रुपये केल्याने महापालिका नगरसेवकांना पन्नास हजारांऐवजी पंधरा हजारांवर समाधान मानावे लागले आहे.