‘टॅग’मुळे महामार्गावर वाहने ‘फास्ट’

पुणे - गेल्या काही महिन्यांपासून केवळ चर्चेत असलेली फास्ट टॅग योजना अखेर राष्ट्रीय महामार्ग प्राधिकरणाकडून राबविण्यास सुरवात झाली आहे. पुणे-सोलापूर महामार्गावरील (क्र.६५) पाटस व सरडेवाडी, तसेच पुणे-सातारा महामार्गावरील (क्र.४८) खेड-शिवापूर व आनेवाडी पथकर नाक्‍यावर फास्ट टॅग योजना सुरू करण्यात आली आहे. त्यामुळे आता टोल नाक्‍यावर जाणाऱ्या वेळेची बचत होणार असून वाहतूक अधिक गतिमान होईल.