मिळकत कर भरा अन्यथा कारवाई

पिंपरी – शहरातील मिळकत धारकांनी 30 सप्टेंबरपर्यंत कर भरणा करावा अन्यथा कारवाई करण्याचा इशारा महापालिकेने दिला आहे.

मिळकत कर भरणा करण्यासाठी महापालिकेची सर्व कर संकलन विभागीय कार्यालये दररोज सकाळी नऊ ते सायंकाळी चारपर्यंत खुली ठेवण्यात आली आहेत. त्याचबरोबर महापालिकेच्या संकेत स्थळावरून ऑनलाईन कर भरणा करता येईल. मिळकत कराचा ऑनलाईन भरणा करणाऱ्यास सामान्य करात दोन टक्के सवलत देण्यात आली आहे. या सुविधेचा अनेकांनी लाभ घेतला आहे. आजअखेर ऑनलाईनद्वारे 91 हजार 142 मिळकतधारकांनी ऑनलाईन सुविधेचा लाभ घेतला आहे. ऑनलाईन गेट-वेद्वारे 96.80 कोटी रुपये कर संकलीत झाला आहे, अशी माहिती कर संकलन विभागाचे सह आयुक्त दिलीप गावडे यांनी दिली.