अप्पर पोलिस आयुक्तांचे पिंपरी-चिंचवडमध्ये कार्यालय

पिंपरी-चिंचवडमध्ये वाढलेल्या गुन्हेगारीवर अंकुश मिळविण्यासाठी आता अप्पर पोलिस आयुक्त शशिकांत शिंदे यांच्या कार्यालयाचे स्थलांतर शहरात होणार आहे. सध्याच्या उपायुक्त कार्यालयातील एका मजल्यावर अप्पर आयुक्तांचे कार्यालय आणि स्वतंत्र नियंत्रण कक्ष सुरू करण्यात येणार असून, सहायक पोलिस आयुक्तांचे कार्यालय एमआयडीसी भोसरी पोलिस ठाण्यात स्थलांतर करण्यात येणार आहे. सोमवारी (२५ सप्टेंबर) याबाबत आदेश आयुक्तांकडून देण्यात आले आहेत.