विठ्ठल मूर्तींचे अखेर बील निघणार!

आयुक्‍तांचे आश्‍वासन : “त्या’ ठेकेदाराचा उपोषणाचा निर्णय मागे

पिंपरी –जगद्‌गुरू संत तुकाराम महाराज पालखी सोहळ्यातील दिंडी प्रमुखांना पालिकेतर्फे विठ्ठल-रुक्‍मिणी मूर्ती भेट देण्यासाठी रितसर मूर्ती खरेदी करणाऱ्या ठेकेदाराची बिले सव्वा वर्षापासून अदा केली नाहीत. त्यामुळे ठेकेदाराने पालिकेसमोर उपोषण करण्यासाठी विठ्ठलाची पाच फूट उंचीची मूर्ती आणली होती. मात्र, आयुक्‍त हर्डिकर यांच्या चार दिवसांत बील देण्याच्या आश्‍वासनानंतर उपोषणाचा निर्णय ठेकेदाराने मागे घेतला.