[Video] आधार नोंदणीचा 1325 जणांनी घेतला लाभ; रविवारी पुन्हा आधार नोंदणी अभियान

पुणे जिल्हाधिकारी कार्यालयाच्या सहकार्याने पिंपरी-चिंचवड महापालिकेतर्फे महापालिकेच्या सर्व क्षेत्रिय कार्यालयात आज (गुरुवारी) राबविण्यात आलेल्या विशेष आधार कार्ड नोंदणी अभियानाला नागरिकांचा मोठा प्रतिसाद मिळाला. आठही क्षेत्रीय कार्यालयाअंतर्गत 1325 नागरिकांनी आधार नोंदणी व आधार दुरुस्ती करुन घेतली आहे, अशी माहिती महापालिकेचे सहायक आयुक्त प्रवीण आष्टीकर यांनी दिली. पिंपरी पालिकेच्या आठही क्षेत्रिय कार्यालयात आज, गुरुवारी आधार नोंदणी व दुरुस्ती अभियान राबविण्यात आले. या अभियानाला नागरिकांचा मोठा प्रतिसाद मिळाला.