चार अनधिकृत बांधकामांवर हातोडा

पिंपरी – महापालिकेच्या बांधकाम परवानगी व अनधिकृत बांधकाम नियंत्रण विभागाने रावेत, मामुर्डी व किवळे परिसरातील चार अनधिकृत बांधकामांवर कारवाई केली.

महापालिकेच्या ब क्षेत्रीय कार्यालयांतर्गत प्रभाग 16 मधील मामुर्डी आणि किवळे भागातील अनधिकृत बांधकामांवर पालिकेच्या बाधकाम परवानगी व अनधिकृत बांधकाम नियंत्रण विभागाने केलेल्या या कारवाईत वीटेची दोन आणि पत्राशेड दोन अशा चार बांधकामांवर कारवाई केली आहे. कार्यकारी अभियंता मकरंद निकम यांच्या मार्गदर्शनाखाली उपअभियंता केशवकुमार फुटाणे, कनिष्ठ अभियंता व बीट निरीक्षक यांच्या पथकाने ही कारवाई केली. पाच महापालिका पोलीस कर्मचारी, 1 ट्रॅक्‍टर, 1 जेसीबी, 8 मजूर, 10 मनपा कर्मचारी तसेच देहुरोड पोलीस ठाण्यातील कर्मचाऱ्यांचा बंदोबस्त तैनात होता.